पिणे सोडले मी….

Posted by अरविन्द पोहरकर on Monday, 7 July 2014

गळया भोवती नेहमी फास आहे
तरी जिंदगीची मजा खास आहे

अशी भाव खाते जशी अप्सरा ती
तिचा एवढा फक्त मज त्रास आहे !!

(अशी भेटते की कधी भेटली ना !
तिच्या भेटण्याची तऱ्हा खास आहे )

जगाला जरी वाटतो मी यशस्वी
तिच्या सर्व विषयात नापास आहे … !!

नसे राम आता तसा राम बापा
अता दशरथालाच वनवास आहे !

पिणे सोडले मी कधीचे तरीही
मला सांगती ते मुखा वास आहे !

-- अरविंद पोहरकर

गझल:

प्रतिसाद

चित्तरंजन भट

बुध, 16/07/2014 - 14:22

(अशी भेटते की कधी भेटली ना !
तिच्या भेटण्याची तऱ्हा खास आहे )
छान.

अरविन्द पोहरकर

शुक्र, 18/07/2014 - 09:36

वैभव वसंतराव कु...

सोम, 21/07/2014 - 14:01

वा पोहरकर आपणही गझल करता आहात हे पाहून आनंद झाला
उत्तमोत्तम गझललेखनासठी मनःपूर्वक शुभेच्छा

अरविन्द पोहरकर

शुक्र, 25/07/2014 - 10:50

आपणा सारख्या जेष्ठ / श्रेष्ठ रचनाकारांकडून हळू हळू शिकतो आहे !!! शुभेच्छा करिता धन्यवाद वैभव कुलकर्णी साहेब .

गंगाधर मुटे

गुरु, 31/07/2014 - 13:51

खास आणि नापास हे दोन खास शेर आहेत.

अरविन्द पोहरकर

शनि, 02/08/2014 - 21:57