....सारे मला मिळाले !!! (गझल).

Posted by supriya.jadhav7 on Saturday, 9 October 2010

....सारे मला मिळाले !!! (गझल).
.
*

काही न मागताही सारे मला मिळाले ,
केसात माळले मी , तारे मला मिळाले !

*

मोडून मांडला तू मांडून मोडलाही ,
नेत्रात दोन अश्रू खारे मला मिळाले !

*

वाटेतल्या फ़ुलांचे काटेच बोचलेले ,
एकेक घांव ताजे कारे मला मिळाले ?

*

गाठू कसा किनारा , लाटेस ओढ भारी ,
ते स्वैर वाहणारे वारे मला मिळाले !

*

मी आजही भुकेली एका अलिंगनाची ,
मौनातले उसासे सारे मला मिळाले !

*

-सुप्रिया (जोशी) जाधव.

गझल: 
गझल

प्रतिसाद

आनंदयात्री

रवि, 10/10/2010 - 11:26

शेवटचा सुंदर!!

supriya.jadhav7

रवि, 10/10/2010 - 13:08

धन्यवाद आनंदयात्री !

इथली ही माझी पहिलीच गझल ....

जाणकारांचे मार्गदर्शन मोलाचे.

-सुप्रिया.

शाम

सोम, 11/10/2010 - 09:05

मोडून मांडला तू मांडून मोडलाही ,..काय ते कळायला हवे... ना?

आणि..
वाटेतल्या फ़ुलांचे ते बोचलेच काटे
एकेक घाव ताजे, का रे मला मिळाले?....
असे केल्यास बोचलेले मधील शेवटचा जास्तीचा 'ले' टाळता येईल असे वाटते.

बाकी छान !

वैभव देशमुख

सोम, 11/10/2010 - 16:22

आनंदयात्रीशी सहमत.....

क्रान्ति

सोम, 11/10/2010 - 17:59

मौनातले उसासे खूप खूप आवडला.

supriya.jadhav7

मंगळ, 12/10/2010 - 11:35

श्यामजी , आपल्या मौलिक सुचना निश्चीतच प्रेरणादायी ठरतील.

वैभवजी , क्रांन्तिजी ...

मनःपूर्वक आभारी आहे सगळ्यांची.

-सुप्रिया.

सुरेश शिरोडकर

मंगळ, 12/10/2010 - 22:22

छान गझल!!
मौनातले उसासे खूप आवडला

ह बा

सोम, 18/10/2010 - 16:33

सगळेच शेर छान अगदी सहज आले आहेत.

बेफिकीर

मंगळ, 19/10/2010 - 01:56

शेवटचा शेर चांगला आहे.

-'बेफिकीर'!

supriya.jadhav7

बुध, 20/10/2010 - 09:36

सुरेशजी...
ह्.बा.जी...
'बेफिकीर'...

मनःपूर्वक धन्यवाद!

चित्तरंजन भट

रवि, 24/10/2010 - 10:48

शेवटची द्विपदी विशेष आहे. पुढील लेखनास शुभेच्छा.

मिलिन्द हिवराले

सोम, 01/11/2010 - 17:51

वा, क्या बात है...!