स्मशानात जागा हवी तेवढी

सुमंदारमालेवर मुटेजिंनी प्रभुत्व मिळवलेलं दिसतंय....

चांगली गझल...

हवेनेच केला जिथे कोंडमारा, तिथे प्राण जाणे टळावे कसे?

जिथे कुंपणे शेत खाऊन जाते, तिथे त्या पिकांनी लपावे कसे?
या ओळी वाचताना ''ज्ञानेश''च्या

नभानेच ज्याचा असे घात केला,अशा पाखराने उडावे कुठे? ही ओळ आठवली.

कशी एकटी हिंडते रानमाळी, जरी अर्धवेडी न भीते कुणा
तिला फ़क्त भीती जित्या माणसांची, पशूंना तिने घाबरावे कसे?

हा शेर खूप आवडला.

खूप चांगली गझल मुटेजी.... लगे रहो...

डॉ.कैलास

मक्ता आवडला.. इतर शेरही.. ओलणे हा शब्द सर्रास वापरला जातो का? मला माहीत नाही. कृपया माहिती द्यावी. मतलाही मस्त झाला आहे. अजून एकदा वाचून परत प्रतिसाद देईन.

कसा व्यर्थ नाराज झालास आंब्या, वृथा खेद व्हावा असे काय ते
फ़ळे चाखण्याचेच कौशल्य ज्याला, तया ओलणे ते जमावे कसे?

या शेरात ओलणे वापरणे खूप आवडले.....

मुटेजी आपण काही शब्दांचे अर्थ दिलेत खरे..पण मला वाटतं हे शब्द कळण्यास अडचण नसावी इतके हे प्रचलित शब्द आहेत.

शुभेच्छा.

डॉ.कैलास

वॄत्त हाताळणी अतिशय उत्तम !
ज्ञानेशच्या गझलेची आठवण करून देणारी.
खालील ओळी सुरेखच ,
जरी सत्य तू बोलतो मान्य आहे, परी त्यास आहे कुठे मान्यता?
सही आणि शिक्क्याविना व्यर्थ सारे, पुरावे तुझे मान्य व्हावे कसे?
----------------------------------------------------------------------------नचिकेत भिंगार्डे

मुटेजी,

''शिंपणे'' हा शब्द पर्यायी शब्द म्हणून वापरण्यास हरकत नसावी.

डॉ.कैलास

उत्क्रान्तलेल्या खुज्या माकडांचा धुमाकूळ तो
भन्नाट.

कसा जोम यावा खुरटल्या पिकांना, नवे बीज ते अंकुरावे कसे?
तणांचाच जेथे असे बोलबाला, तिथे अन्य काही रुजावे कसे?

मतला आवडला मुटेजी.(आमच्या गावी असलेल्या शेताचीही एकूण अशीच अवस्था.आपला मतला वाचून आठवण झाली.)

कशी एकटी हिंडते रानमाळी, जरी अर्धवेडी न भीते कुणा
तिला फ़क्त भीती जित्या माणसांची, पशूंना तिने घाबरावे कसे?

शिवारात काळ्या नि उत्क्रान्तलेल्या खुज्या माकडांचा धुमाकूळ तो
जिथे कुंपणे शेत खाऊन जाते, तिथे त्या पिकांनी लपावे कसे?

हे दोन शेर दमदार झालेत.

अतिशय सफाईदार आणि आश्वासक वृत्त हाताळणी.
पहिले तीन शेर फार आवडले. शिवाय अनेक सुट्या ओळी आवडल्या.

पुढील वाटचालीस मनःपूर्वक शुभेच्छा.

अतिशय सफाईदार आणि आश्वासक वृत्त हाताळणी.
पहिले तीन शेर फार आवडले. शिवाय अनेक सुट्या ओळी आवडल्या.

पुढील वाटचालीस मनःपूर्वक शुभेच्छा.

ज्ञानेशरावांशी सहमत आहे.

सर्वच शेर आवडले... या वृत्तातील गझल वाचताना मजा येते...

पाणी देणे : शेताकडं जाऊन येतो पाणी लावायचं आहे...

मळा जोजवणे (हे परभनीच्या एका कवी मित्राच्या कवीतेत वाचलं आहे)