तुमची करा आरास अन् तुमचे तुम्ही लावा दिवे
तुमच्यात मी येऊ कसा ? बदनाम झंझावात मी !
शांत मी राहू कशी
शांत मी राहू कशी रे भेटला आहेस तू
आज शब्दांच्या पुराने वेढला आहेस तू !
आज जन्माशीच माझ्या बोलले इतकेच मी
जीव घेणाऱ्या स्मृतींचा गलबला आहेस तू !
हासती, समजावती सांभाळती माझे जिणे
काय या हळव्या ऋतूंशी बोलला आहेस तू !
भावनांची, जाणिवांची एक गुंतागुंत मी
काय या गुंत्यामध्येही गुंतला आहेस तू !
फक्त माझ्या कल्पनेचे चित्र तू आहेस का ?
की मला रेखाटणारा कुंचला आहेस तू !
-- नीता भिसे
- प्रतिसाद लिहिण्यासाठी येण्याची नोंद किंवा नावनोंदणी करावी.
प्रतिसाद
व्वा! फार सुंदर कल्पना. बाकीचे शेर ठीक वाटले.
गझल फार आवडली....
आज जन्माशीच माझ्या बोलले इतकेच मी
जीव घेणाऱ्या स्मृतींचा गलबला आहेस तू !
हासती, समजावती सांभाळती माझे जिणे
काय या हळव्या ऋतूंशी बोलला आहेस तू !
भावनांची, जाणिवांची एक गुंतागुंत मी
काय या गुंत्यामध्येही गुंतला आहेस तू !
हे शेर...़काळीज खल्लास करणारे....
फारच सुंदर...तरल आणि अर्थवाही तर आहेच...प्रेमवाहीही....
प्रा. डॉ . संतोष कुलकर्णी, चैत्रबन , श्याम सोसायटी, येरमेनगरजवळ, उदगीर जि. लातूर ४१३ ५१७ दूरभाष : ०२३८५-२५८०४६ (नि) २५८७५६ (का) भ्रमणध्वनी ९४२२६५७८५०
शांत मी राहू कशी रे भेटला आहेस तू
आज शब्दांच्या पुराने वेढला आहेस तू !
छान...
भावनांची, जाणिवांची एक गुंतागुंत मी
काय या गुंत्यामध्येही गुंतला आहेस तू !
अ प्र ति म
फक्त माझ्या कल्पनेचे चित्र तू आहेस का ?
की मला रेखाटणारा कुंचला आहेस तू !
सुंदर...
फार फार आवडले हे शेर.
नमस्कार.
मी अमोल भारंबे, इथे नवीनच आहे.
प्रति नीता,
तुझी ही गझल आवडली. छानच आहे.
पण त्यातल्या त्यात...
तुझ्या गझल मधल्या शेवटच्या या दोन ओळी खास करुन आवडल्या.
अतिशय सुंदर.
या दोन ओळींनी, हृदयनाथ मंगेशकरांच्या . . . "...त्या फुलांच्या गंध कोशी, सांग तू आहेस का?..." या कवितेची आठवण झाली.
- - - - - - - - - - - - - - - - - - - - - - - - - - - - - - - - - - - - - - - - - - - -
आणखी लिहीत रहावे.
धन्यवाद.
कळावे,
अमोल भारंबे. [बी. इ. - इंस्ट्रूमेंटेशन.]
(कल्याण - पश्चिम.)
(मोबाइल नंबरः- ०९९२०९२०६०१).