मलई : प्रदीप निफाडकर

अंथरतो मी जेव्हा चटई
डोळे मिटती वासे तुळई

मुले टिव्हीच्या समोर बसली
शुभंकरोती गाते समई

गरिबी अपुली अशीच राहो
आपण दोघे एकच दुलई

हळद उतरली पोर जळाली
कोपऱ्यात ही रडते सनई

कसेबसे जगतात कवी हे
कुबेर झाले सारे गवई

कविता माझी दुधाप्रमाणे
गझला म्हणजे नुसती मलई

-- प्रदीप निफाडकर

२९, रिद्धी-सिद्धी अपार्टमेंट्स, आनंदनगर,सिंहगड रस्ता, पुणे-४११ ०५१.भ्रमणध्वनी ९८५०३८४२३२. ईमेल : gazalniphadkar@com
Taxonomy upgrade extras: 
मान्यवरांची गझल

प्रतिसाद

चित्तरंजन भट

गुरु, 03/05/2007 - 11:59

गझल मस्तच आहे. काफियेही नवे-नवे आहेत.

विसुनाना

सोम, 07/05/2007 - 00:54

छान गझल.
कसेबसे जगतात कवी हे
कुबेर झाले सारे गवई
-क्या बात है!

अनंत ढवळे

गुरु, 03/05/2007 - 21:37

ही एक नितांत सुंदर गझल आहे, विशेषतः  ,पहिले चार शेर. निफाडकरांच्या गझलेची भाषा साधी  सोपी आणि परिणामकारक आहे.
मतला अनेक वेगवेगळ्या अर्थांकडे घेऊन जाणारा आहे.

सोनाली जोशी

शुक्र, 04/05/2007 - 00:16

गझल आवडली.
खोडसाळ प्रतिसादही आवडला.

बापू१११

रवि, 06/05/2007 - 22:56

छान : बापू दासरी

मयुरेश देशपान्दे (not verified)

बुध, 31/12/2008 - 03:56

तुमच नाव वाचल आणी तीथच खुश झालो. मग खुश झालो ते तुमच्या गझलेमुळे.......

दशरथयादव

मंगळ, 06/01/2009 - 18:37

कसेबसे जगतात कवी हे
कुबेर झाले सारे गवई

कविता माझी दुधाप्रमाणे
गझला म्हणजे नुसती मलई

हे शेर फार आवडले

प्रसाद लिमये

बुध, 07/01/2009 - 08:49

गरिबी अपुली अशीच राहो
आपण दोघे एकच दुलई

 
.............क्या बात है