छंद....

Posted by supriya.jadhav7 on Wednesday, 19 January 2011

छंद....

खरा कायद्याने मला फास होता !
अबोला क्षणाचा, जणू मास होता !!

उशाला नहाली तुझी सोडचिठ्ठी,
तुझ्या कुंतलांचा जिला वास होता !!

पहाटे पहाटे उन्हे शोध घेती,
सुन्या उंब-याला तुझा भास होता !!

जरा हालली सावली ही कुणाची ?
तुझी मुर्त की, फ़क्त आभास होता !!

सखे ऐक ना हाक या अंतरीची,
इथे गुंतलेला तुझा श्वास होता !!

कळालेच नाही कधी हारलो मी,
तुझा छंद हा ही, तसा खास होता !!

-सुप्रिया (जोशी) जाधव.

गझल: 
तरही गझल

प्रतिसाद

आनंदयात्री

गुरु, 20/01/2011 - 10:29

उंबरा आवडला...

क्रान्ति

गुरु, 20/01/2011 - 11:33

उंबरा झकास!

केदार पाटणकर

गुरु, 20/01/2011 - 13:07

उंब-याचा शेर छानच.

ज्ञानेश.

गुरु, 20/01/2011 - 16:11

छान गझल.
पुढील लेखनास शुभेच्छा.

बेफिकीर

शुक्र, 21/01/2011 - 00:59

सर्वांशी सहमत व शुभेच्छा!

धन्यवाद!

supriya.jadhav7

शनि, 26/03/2011 - 22:33

मनःपुर्वक आभार !!!