सोशीक
संपली जवळीक ना !
तूसुद्धा अगतीक ना !
आत लाव्हा घुसळतो
वरुन सारे ठीक ना !
फावले त्यांचे कसे ?
भेकडांचे पीक ना !
काय दुःखाला हवे ?
आसवांची भीक ना !
भाव आहे चांगला
वेदनेला वीक ना !
कान का किटले असे ?
तेच ते बौद्धीक ना !
रांग नाही दर्शना,
हरपला लौकीक ना !
जिंकल्या दैवासही
दाद द्याया शीक ना !
जीवना माझ्यापरी,
हो जरा "सोशीक" ना !
-- अभिजीत दाते
गझल:
प्रतिसाद
प्रदीप कुलकर्णी
मंगळ, 03/06/2008 - 18:58
Permalink
आसवांची भीक...
काय दुःखाला हवे ?
आसवांची भीक ना !
छान... उत्तम शेर !
पुलस्ति
मंगळ, 03/06/2008 - 19:45
Permalink
हेच
हा शेर फार आवडला! "सोशीक" शेरही छान आहे!!