जन्म वाभरा

Posted by वैभव वसंतराव कु... on Sunday, 15 February 2015

लक्षात येत आहे माझ्या जरा जरा
गंभीर जेवढा मी हा जन्म वाभरा

निष्णात पारध्याने आभाळ व्यापले
आता कुठे भरार्‍या घेशील पाखरा

का झाकला कुणी हा का झाकला असा
माझ्याच चेहर्‍याने माझाच चेहरा

मी वाटतोय हल्ली काळा तुझ्यामुळे
वाटायचे मला तू आहेस पांढरा

निष्पाप वाटणेही साधायला जमो
निष्पाप वागण्याची पेलायला धुरा

मी व्यक्त होत जाणे टाळायला हवे
कहीतरी करा हो काहीतरी करा

~वैवकु

गझल: 
गझल

प्रतिसाद

वैभव वसंतराव कु...

रवि, 15/02/2015 - 21:44

वाभरा = व्रात्य, खोडकर, टवाळ, अश्या काहीश्या अर्थाचा शब्द
शब्दकोशातला अर्थ माहीत नाही त्याबद्दल क्षमस्व

चित्तरंजन भट

गुरु, 16/04/2015 - 05:33

मतला विशेष आवडला.