मधेच वाहते मधेच थांबते

Posted by जयदीप on Monday, 10 November 2014

मधेच वाहते मधेच थांबते
हवा कुठे मनानुसार वागते?

चढून चार पावलात पोचलो
शिखर तुझे दुरून उंच वाटते

असेच रोज येत जात राहुया
नको म्हणूस पायवाट लोपते

उशीर व्हायचा असेल जर तुला
फलाट सोडताच ट्रेन थांबते

हवे असेल तेवढेच घ्यायचे
असे करून पान स्वच्छ राहते!

जयदीप

गझल: 
गझल

प्रतिसाद

विजय दि. पाटील

गुरु, 13/11/2014 - 11:19

चढून चार पावलात पोचलो
शिखर तुझे दुरून उंच वाटते

छान!

केदार पाटणकर

शुक्र, 14/11/2014 - 13:32

हवे असेल तेवढेच घ्यायचे
असे करून पान स्वच्छ राहते!

विशेष..

चित्तरंजन भट

शनि, 15/11/2014 - 23:59

छान आहे. शिखर आणि पान विशेष.

जयदीप

गुरु, 20/11/2014 - 09:36

खूप आभार ___/\___
विजय सर, केदार सर, चित्तरंजन सर.

वैभव वसंतराव कु...

गुरु, 20/11/2014 - 20:52

वाह जोशी वाह

जयदीप

सोम, 24/11/2014 - 20:13

धन्यवाद सर :)