कावळे घाटावरी...

...गझल...

काय मज होणार  हे त्यांना दिसाया लागले ,
कावळे घाटावरी ते घुटमळाया लागले...

मौनव्रत  धरला तयांनी आत्मशुद्धीला उगा,
काल झोपेतून तेही बडबडाया लागले...

भिन्नतेचा शाप घेऊनी तसा आलो जगी ,
सोडता जग, एकसे सारे दिसाया लागले !

हीन कर्मांनी खरोखर गाठली उंची अशी ,
बिंबही माझे , मला बुटके दिसाया लागले !

नाव मी लिहीता तुझे, भिंतीवरी, झाले असे...
मोडके ते घर अचानक, झगमगाया लागले !

ऐकली इतुक्यांदा मी 'देव' ही संकल्पना ,
वास्तवाशीही तिचे नाते जुळाया लागले !

...शैलेश कुलकर्णी...