रुढी परंपरेचा का बांधलास शेला?

Posted by विद्यानंद हाडके on Sunday, 6 March 2011

रुढी परंपरेचा का बांधलास शेला?
या मानवी जगाच्या टाळून सभ्यतेला

येथील संस्क्रुतीला मी हा सवाल केला
वस्तीत माणसांच्या माणूस का भुकेला?

काबा नको न काशी बस हाक द्या स्वत:ला
अन जागवा जरासे अपुल्याच अस्मितेला

सूर्यास जाग यावी गावाकुसात अमुच्या
येथे युगायुगाचा अंधार दाटलेला

ज्यांना हवाच होता काळोख भोवताली
देतील दोष ते मग या तांबड्या दिशेला

मी मिळविले कितीदा हातात हात ज्यांच्या
सोडून हात माझा जो तो निघून गेला

बोलू कसा कुणाशी? मज प्रश्न ग्रासतो हा
एकेक शब्द माझा कंठात दाटलेला

दिसती कसे मला हे सारेच शांत येथे
माणूस शोधतो मी आतून पेटलेला

गझल: 
गझल

प्रतिसाद

गंगाधर मुटे

मंगळ, 08/03/2011 - 20:23

सभ्यतेला,भुकेला, दाटलेला, दिशेला, पेटलेला

आवडलेत.

बहर

शुक्र, 25/03/2011 - 16:50

वाह विद्यानंद.... मझा आगया. क्या बात है.

शाम

शनि, 26/03/2011 - 20:39

भन्नाट!!!!!

'गावाकुसात '.. हा शब्द गावकुसात असाच हवा...ऐवजी..

सूर्यास जाग यावी गावात आज अमुच्या....असे काहीसे करता येईल.

बकि सुरेख!

क्रान्ति

रवि, 27/03/2011 - 11:14

येथील संस्क्रुतीला मी हा सवाल केला
वस्तीत माणसांच्या माणूस का भुकेला?

वा!

विद्यानंद हाडके

सोम, 13/06/2011 - 07:47

धन्यवाद,
गंगाधरजी,
बहर,
शाम,
क्रांतीजी

शोभातेलन्ग

बुध, 15/06/2011 - 10:46

मस्त गझल आवदलि

मिलिन्द हिवराले

गुरु, 16/06/2011 - 14:00

अप्रतिम!

वीरेद्र बेड्से

मंगळ, 21/06/2011 - 21:58

मतला, भुकेला,दिशेला,पेट्लेला,दाट्लेला,
वरील सर्वच शेर छान्,झकास, खूप आवड्ले.

विद्यानंद हाडके

गुरु, 08/03/2012 - 18:52

धन्यवाद मित्रांनो...