का सुखाला हाक देण्या शब्द होते धावले....
आवडले.

'ही निकामी आढ्यता का दाद द्या अन शुद्ध व्हा' च्या चालीवर चांगली वाटेल.

प्रतिसाद देणार्‍या सर्वांचे मनापासून आभार.
याच रचनेचा आणखी एक शेर सादर करतो,

मी असा जाहीरतेने पेटलो होतो कुठे?
शेवटी मी पेटताना जाळले आकाशही....

धन्यवाद,
------------------------नचिकेत भिंगार्डे

का सुखाला हाक देण्या शब्द होते धावले,
दूर गेले स्वप्न झाले पोरके आभासही...
वावा!

मी असा जाहीरतेने पेटलो होतो कुठे?
शेवटी मी पेटताना जाळले आकाशही....
वा!

हा नसे अभ्यास आणि हा नसे आनंदही - माझ्यामते आणि मधील णि दीर्घ लिहायला हवा आहे. विश्वस्तांनी जर कुण्या एका व्यक्तीला ही जबाबदारी दिली तर नियमीतपणे हे लिहिले जाईल. काही कवींची पकड नसते वगैरे असा माझा मुळीच गैरसमज नाही. पण चुकून झालेल्या टायपोग्राफिकल वगैरेही उणीवा त्या एका व्यक्तीकडून नियमीतपणे नमूद होत राहिल्या तर वृत्त, गझलेचे नियम यासंदर्भात शिस्तीचे धोरण राबवले जाते ही प्रतिमा मेंटेन होईल असे वाटते. (चु. भु.द्या.घ्या.) (तसेच 'मी ईमाने' या ओळीतही! 'इ' र्‍हस्व असायला हवा होता.) गझलेचा काफिया सैल वाटला.

आकाश जाळले हा शेर फार आवडला. सुखांना हाक देण्याचा शेर समजला नाही.

(नचिकेत - वरील मते व्यक्तीशः आपल्याला उद्देशून अशी नाहीत, गैरसमज नसावा.)

भूषणजी आणि अजयजी,
आपल्या मार्गदर्शनासाठी आभारी आहे.
असेच लक्ष असू द्या.
'आणिक' मलाही आधी गुणगुणताना सुचले होते पण लिहिले मात्र गेले नाही.
त्या जागी किंवा सुद्धा चालेल.
धन्यवाद अजयजी.
ईमाने च्या ऐवजी इमाने असले पाहीजे.
दोन्ही बदल अगदी बरोबर आणि चपखल आहेत.
रसभंग झाला असल्यास माफ करावे.
पुढील वेळी नक्की चांगला प्रयत्न करेन.
धन्यवाद.
----------------------------------------------------------------------------------नचिकेत भिंगार्डे