ओळख

ओळख

---------------------------------------------------------

दिसलो मी  जगाला तरी कळलोच नाही,

फुलवून फुलबाग मी मला फळलोच नाही...//१//

आंधळ्या न्यायात वाटले या जगी चैतन्य मी,

आंधळ्या दॄष्टीस त्याच्या मी कधी पडलोच नाही...//२//

द्युतात जीवनाच्या नाडलेला धर्म मी,

हाय्..तरी मॄत्युशी पैज मी हरलोच नाही...//३//

वाहून व्यर्थ क्षीणलो माझ्या वेदनांची दप्तरे,

प्राक्तनाच्या पाठीवरती  कधी रुळलोच नाही...//४//

जरी धुमसले सारखे अंतरीचे निखारे,

होऊन वणवा कधी जळलोच नाही...//५//

वेगात दौड झाली ओलांडूनि वसंत,

आवडीच्या वाटेवरी पुन्हा वळलोच नाही...//६//

-----------------------------------------------नचिकेत भिंगार्डे