मी जरी हासून आता बोलतो आहे ऋतूंशी
ऐन तारुण्यात माझा चेहरा गंभीर होता !
काही वेळा...
नकळत माझ्या माझे चुकते, काही वेळा
खूप उशीरा चूक समजते, काही वेळा...
बघता-बघता गढूळ होते पाणी इथले;
सावकाश मग तेच निवळते, काही वेळा...
चांदण्यात मी रात्र जागतो नेहमीच, पण
चंद्राविण मग रात न ढळते, काही वेळा...
फूल कधी प्रत्येक कळीचे होते का हो?
एखादी पण आतुर असते, काही वेळा...
जीवन मी माझ्या वाटेने चालत असतो
मधेच नियती डाव साधते, काही वेळा...
नाव-गाव अन पत्ता माझा मीच विसरतो;
'अजब' स्वतःशी ओळख निघते, काही वेळा...
-- अजब
- प्रतिसाद लिहिण्यासाठी येण्याची नोंद किंवा नावनोंदणी करावी.
प्रतिसाद
छान
निवळते आणि मक्त्याचा शेर आवडले!!
सुंदर...
नकळत माझ्या माझे चुकते, काही वेळा
खूप उशीरा चूक समजते, काही वेळा...
सुंदर...
बघता-बघता गढूळ होते पाणी इथले;
सावकाश मग तेच निवळते, काही वेळा...
वा...वा...
फार फार आवडले हे दोन शेर