हे तेच ते दिनरात..

गझल आवडली. चांगली झाली आहे.

हे तेच ते दिनरात...मी वैतागलो
नाही बदल त्यांच्यात...मी वैतागलो

जी पाहिजे ती चीज नाही गवसली
हिंडून बाजारात मी वैतागलो

ही रोजची गर्दी नि घाई रोजची
हे रोजचे अपघात....मी वैतागलो

हे शेर विशेष.

वा ! रदीफ चांगला निभावला आहे केदार. घाई गर्दी विशेष. ह्या शेराचा लहजा पण छान आला आहे.

किटकीट .. अं . .. चांगला होवू शकला असता असे वाटले. शुभेच्छा

जी पाहिजे ती चीज नाही गवसली
:-)

केदार,

यावेळेसची गझल विशेष वाटली नाही. क्षमस्व!

( मित्रांनाच असे स्पष्ट प्रतिसाद देणे शक्य असते.)

केदार,
ही गझल प्रत्यक्ष तुझ्या तोंडून ऐकण्याचा योग आला होता. (बराच वेळ घेतलास प्रकाशित करायला!)

घे आत किंवा सुचव ना जाण्यास तू
थांबू किती दारात ? मी वैतागलो

'वैताग' चांगला व्यक्त झालाय.

जी पाहिजे ती "चीज" नाही गवसली
हिंडून बाजारात मी वैतागलो
थांबू किती दारात ? मी वैतागलो

छान. सुन्दर!
कलोअ
चूभूद्याघ्या

वेगळा रदीफ, केदारजी गझल आवडली.

मतल्याने
अंतरात उठती लाटांवरती लाटा...
(आयुष्य असे का संथ वाहते आहे?)
ह्या माझ्या एका द्विपदीची आठवण करून दिली. अर्थात दोन्ही द्विपदी अगदी वेगळ्या आहेत. गझल चांगली जमली आहे.

आक्रोश आत्म्यांचा इथे मी ऐकतो
"राहून या शरिरात मी वैतागलो!!"

छान. "राहून या देहात मी वैतागलो!!" असेही चालून जाईल. तसेच, एकापेक्षा अनेक आत्मे आहेत असे म्हणायचे आहे काय?