नीट वाच...!
कविवर्य सुरेश भट यांचा आज (15 एप्रिल) जन्मदिन.
त्यांना विनम्र आदरांजली.
................................................................
............................................
नीट वाच...!
............................................
ही निष्कर्षाची कशास इतकी घाई ?
वेड्यात मला काढून शहाणा जाई...
हा काळ निर्दयी नागवतो सगळ्यांना...
आयुष्य न देई कशाचीच भरपाई
मज मधून येते जाग उदास सुरांनी...
कोणास्तव गाते रात्र मुकी अंगाई ?
मी जुनेच, सारे जुने आठवत बसतो...
मज जुनेपणाची कशास ही नवलाई ?
अद्याप न माझा शोध संपला माझा...
मी गवसत नाही मलाच माझ्या ठाई !
अश्रूंची पोरे पुन्हा पोरकी झाली...
मौनात मुसमुसे आकाशाची आई!
लागेल नव्याने अर्थ पुन्हा एखादा...
तू नीट वाच मी शिंपडलेली शाई!
- प्रदीप कुलकर्णी
.................................................
गझल:
प्रतिसाद
चित्तरंजन भट
बुध, 16/04/2014 - 14:35
Permalink
ही निष्कर्षाची कशास इतकी घाई
ही निष्कर्षाची कशास इतकी घाई ?
वेड्यात मला काढून शहाणा जाई...
वाव्वा. मस्त मतला आहे. नवलाई, शाई...सगळेच शेर छान झाले आहेत.
प्रसाद लिमये
बुध, 16/04/2014 - 21:26
Permalink
मतला, नवलाई सुरेख आहेत.
मतला, नवलाई सुरेख आहेत. शिंपडलेली शाई पुन्हा पुन्हा वाचावा असा
शुभानन चिंचकर
शुक्र, 09/05/2014 - 13:54
Permalink
बरेच शेर छान झालेत
बरेच शेर छान झालेत
देवेंद्र गाडेकर
शुक्र, 09/05/2014 - 14:19
Permalink
नवलाई आणि मतला जे बात
नवलाई आणि मतला जे बात
बेफिकीर
शुक्र, 09/05/2014 - 14:47
Permalink
लागेल नव्याने अर्थ पुन्हा
लागेल नव्याने अर्थ पुन्हा एखादा...
तू नीट वाच मी शिंपडलेली शाई!
Sundar sher aani sundar gazal.
supriya.jadhav7
रवि, 24/08/2014 - 17:30
Permalink
ही निष्कर्षाची कशास इतकी घाई
ही निष्कर्षाची कशास इतकी घाई ?
वेड्यात मला काढून शहाणा जाई..... वा !
अद्याप न माझा शोध संपला माझा...
मी गवसत नाही मलाच माझ्या ठाई !.....क्या बात !
लागेल नव्याने अर्थ पुन्हा एखादा...
तू नीट वाच मी शिंपडलेली शाई!........क्या केहेने !